One on One with Superman

Script by: Wado Siman

Hinintay ni Superman makalampas ang dalawang babae bago siya lumabas mula sa likod ng basurahan sa may likod ng Finns Avenue. Nang humupa na ang iyak ng mga ito ay agad siyang nagpalit ng damit, at umakyat sa rooftop ng apartment ni Mrs. Collins gamit ang fire exit ladder.

Nakita niyang nakasandal ang panganay na anak ni Mrs. Collins sa likod ng chimney.

"Pete?" Usisa ni Clark.

"Umalis ka dito, wala kang kwenta!"

"Paano mo naman nasabing..."

"Nakita ko yung ginawa mo kanina! Hindi mo sila tinulungan! Wala kang kwenta!"

"Ha?"

"Humihingi sila ng tulong diba? Bakit hindi mo tinulungan?"

"Ganyan ba ang inaasahan ninyong lahat mula sa akin? Ang tumulong sa lahat ng oras?"

"Eh ano pa at tinawag ka naming Superman, diba?"

"Kung ikaw ba ang nasa posisyon ko, tutulungan mo sila?"

"Kung alam mo lang kung gaano ko kagustong maging Ikaw..."

"Maging ako?"

"Oo, si Superman. Ikaw ang laging bida sa dyaryo, sa tv, sa radyo! Sa lahat. Sa school namin, ikaw laging pinag-uusapan."

"Hindi iyon ganoon kasimple!"

"Hindi ko lang maintindihan kung bakit ka sumusuko sa responsibilidad mo ngayon..."

" nagpapakatao lang ako."

"nagpapaka-tao? Naririnig mo ba ang sarili mo Superman?"

" Noong nasa Smallville pa ako, napasakamay ako ng mga taong may ginintuang puso, tinuruan ako ng mga magulang ko ng mabuting asal. Sabi nila, kailangan ko daw tumulong sa kapwa, at huwag daw hihingi ng kahit anong kapalit."

"Wala namang mali doon ah..."

"Wala akong hinangad na iba kundi ang maging normal na tao, tulad mo, tulad ninyong lahat. Noong bata pa kasi ako ay nakakitaan na ako ng kakaibang kakayahan. Buong akala ko, normal sa inyong mga tao ang tumulong sa kapwa. Ganoon kasi ang mga tao sa Smallville, nagtutulungan. Pero pagdating ko dito sa Metro, lahat nagbago. Ang tao mismo ang gumagawa ng paraan para kailanganin nila ang tulong."

"Kasi alam nilang darating..."

"Oo, dahil alam nilang dadating ako at ililigtas ko sila. Pero hindi ganoon ang takbo ng buhay Pete. Hindi sa lahat ng oras andun ako."

"Pero kanina, andun ka, at wala kang ginawa!"

"Paano kung wala ako doon kanina? Maiisip mo pa din bang hindi dapat nahold-up yung mga babae?"

"Hindi...pero ang point ko, andun ka, at wala kang ginawa!"

"andun ka din naman kanina Pete, at ikaw, wala kang ginawa."

********

The World Stage Superstage team.


Me wearing a Superman shirt. Kasi minsan, ako si Superman. ahahah!


See you guys soon! Hello Malaysia!