Tinakda kayo ni tadhana, pero hanggang plano lang, na kayo, pero hindi magiging kayo.
Sinulat nila ang love story ninyo na punong-puno ng muntikang pagkikita, pero hanggang dun lang.
Papasok ka ng mall, papalabas naman siya.
Kasal ng ate ng barkada mong simbahan ang inattendan mo at siya naman sa reception.
Yung nagpa-gas ka ng sasakyan at nag-aabang siya ng jeep sa kanto.
Ganun ang love story ninyo, hindi talaga nila tinapos.
Hahanap ka na lang ba ng iba, o tatanggapin mo na lang na ganito talaga minsan si tadhana.
Magtataka ka din kasi na ang daming pumapasok sa isang relasyon, pagkatapos maghihiwalay din naman pala.
Magugulat ka na lang talaga kay tadhana. Yung tipong iisang hangin sa iisang kwarto na lang ang hinihinga ninyong dalawa, hindi man lang kayo nagkita sa mata.
